https://lihkg.com/thread/723450/page/1
又到放榜季節，係時候出勸世文。主要跟舊年個篇，不過呢篇都增補左D資料
舊年個篇: https://lihkg.com/thread/305337/page/1
有一類人覺得自己實掂，冇Plan過放榜。用呢種心態迎接放榜猶如裸考一樣。以小弟多年觀察，「天意弄人」係放榜必見情節，10人入面總會有1人意外墮馬。大家以為墮馬只會係其他人身上發生，但天意就係連你自己都估唔到自己就係墮馬果一個人
...... 所以，跪求大家要做好最壞打算，唔駛放榜全世界狗衝時，你仲係度那年十八
放榜前睇到呢個post 先plan的話都未算遲，有需要可以係度問下巴絲打過來人或者小弟既意見，呢度好多人都答到你。如果你係CD-ROM冇AC，都可以留低你條問題係Google Form幫你Post出黎，或者留低TG個別傾
相反，如果你冇溫書都拎到5/5*，亦都係天意弄人
記得當日唔駛四圍同人講你冇溫書都拎左條5/5*返黎，冇人想知，唔好講，講左＿＿＿ 
2 那有錢，你＿＿！
唔少巴絲打見到Asso/HD動輒都要十萬已經要叫定老母，Self-financed Degree幾十萬要叫埋老豆
政府學資處係有唔同計劃提供津貼/貸款俾副學位學生，即係平時聽到既Grant/Loan同埋Non-mean。Grant=資助
Loan=貸款
Non-mean=免入息審查貸款
兩個貸款都係讀完書要開始還。非UGC-funded而又被學資處認可既Programme都可以申請Grant/Loan或者Non-mean。有財政顧慮的話可以入條拎睇下，睇下自己情況合岩邊一種。不過，始終人人情況唔同，呢D計劃未必可以解決晒所有問題。歡迎係度發問
http://www.wfsfaa.gov.hk/sfo/tc/postsecondary/index.htm
3 我不入地獄，誰入地獄？
即使攪掂學費，唔夠分既巴絲打仍然會懷著落地獄既心情報ASSO/HD，但又覺得升唔到U的話就玩猿，心情非常矛盾
究竟讀副學位咪真係有幫助? 定係同中六畢業冇分別 可以從收入角度睇。統計處2016年數據咁講：
高中畢業 收入中位數 女: 11000 男: 15700
大專(非學位)畢業 收入中位數 女: 15000 男: 18000
對男巴打黎講人工差距較細，小弟估計原因係唔少高中畢業既男仔會去左做地盤。地盤人工高，但搵返黎既都係血汗錢，每日都消耗自己身體。讀ASSO/HD的確係令你多左筆學債，但增加左你升學既潛力，長遠既收入亦會因為你經驗同學歷增加[/]。兩樣都有好有唔好，條路點行，要自己揀。不過，要注意副學位畢業後一兩年既收入未必達到上面兩個中位數，中位數應該係返左一段時間先搵到既收入
[purple]4 考試都試過好多次，有甚麼好怕?
過往有人自修後如願以償升U，亦有人最後選擇入HD/ASSO。提提大家升分背後真係需要好大付出，未來9個月要keep住自律，D fd上左大專/大學個個好開心時自己仲要對住DSE，中秋聖誕新年都唔關自己事，同讀中六係兩回事。另外，年中會心魔作祟，覺得人地俾白眼自己，有時連自己都睇唔起自己，新年又要面對親戚問答大會，精神壓力唔細。自修既話，要預左搵多D同路人互相支持。[u]如果你對自修有興趣，可以之後加入小弟同其他人開既自修生平台，今年我地有更固定既時間表，為大家提供一D學科相關既支援
5 好成績乜都唔洗煩
各位辛苦左咁耐既巴打絲打，如果放榜日收到好成績，我真係恭喜你！不過，請你記住除左自己努力外，仲接受過其他人幫助先拎到好成績，可能佢地答過你問題、借過筆俾你、考試時同你打氣。拎到好成績，記住唔好咁自私，趁有能力既時候記住幫多D面對緊困難既人，那管你同佢唔太相熟或者素未謀面。祝呢度既巴絲打都可以做到幫人果位
呢度好多巴絲打陪大家放榜！小弟都會係度。如果有野想問就問啦！特別自修相關既問題小弟都可以答詳細D。
CD-ROM朋友可以係下面條拎留低想問或者想回應既野
https://goo.gl/forms/A5wsfAZHVtpNhnwX2
?
